హృదయం కాలేయం, కొబ్బరిమట్ట వంటి చిత్రాలతో ప్రేక్షకులకు దగ్గరయ్యారు హీరో సంపూర్ణేష్ బాబు. ప్రస్తుతం ఆయన నటించిన బజార్ రౌడీ సినిమా రిలీజ్ కు సిద్ధంగా ఉంది. వసంత నాగేశ్వరరావు దర్శకత్వంలో తెరకెక్కుతున్న ఈ సినిమాను సంది రెడ్డి శ్రీనివాసరావు నిర్మించారు. ఇందులో సంపూర్ణేష్ బాబు సరసన మహేశ్వరి వడ్డీ హీరోయిన్ గా నటించింది. ఇప్పటికే అన్ని కార్యక్రమాలను పూర్తి చేసుకున్న ఈ చిత్రం… ఆగ స్టు 22న చిరంజీవి బర్త్ డే కి రెండు రోజుల ముందు ఆగస్టు 20న విడుదల చేయబోతున్నారు.
ఈమేర చిరంజీవికి పుట్టినరోజు శుభాకాంక్షలు తెలుపుతూ పోస్టర్ రిలీజ్ చేశారు. ఈ సందర్భంగా నిర్మాత శ్రీనివాస్ రెడ్డి మాట్లాడుతూ….కథకు సంపూర్ణేష్ బాబు స్టైల్ ని యాడ్ చేసి ఫ్యామిలీ ఎంటర్టైనర్ గా తీర్చిదిద్దామని…దర్శకుడు నాగేశ్వరావు తనకున్న అనుభవాన్ని తెరపైకి తీసుకు వచ్చారని అన్నారు. మరి ఈ సినిమాతో సంపూర్ణేష్ బాబు ఎలా హిట్ ని అందుకుంటాడో చూడాలి.