సంపూర్ణేష్ బాబు గురించి తెలుగు సినీ ప్రేక్షకులకు కొత్తగా పరిచయం చేయనవసరం లేదు. హృదయ కాలేయం, కొబ్బరిమట్ట వంటి చిత్రాలతో తెలుగు ప్రేక్షకులకు మరింత దగ్గరయ్యాడు సంపూర్ణేష్ బాబు. అయితే సంపూర్ణేష్ బాబు కొత్త చిత్రానికి సంబంధించి ఓ అప్డేట్ బయటకు వచ్చింది. తన 5వ చిత్రానికి సంబంధించి టైటిల్ ఫస్ట్ లుక్ ను విడుదల చేయనున్నట్లు చిత్ర యూనిట్ ప్రకటించారు. మే 9న ఉదయం 9 గంటల 11 నిమిషాలకు ఈ చిత్రానికి సంబంధించిన ఫస్ట్ లుక్ ను విడుదల చేయనున్నారు.
మధుసూదన క్రియేషన్స్, రాధాకృష్ణ టాకీస్ బ్యానర్ లో నిర్మిస్తున్న ఈ చిత్రంలో సంపూర్ణేష్ బాబు న్యూ అవతార్ లో కనిపించనున్నాడట. చివరిసారిగా కొబ్బరి మట్ట సినిమా తో సంపూర్ణేష్ బాబు ప్రేక్షకుల ముందుకు వచ్చాడు. ఇక వీటి తో పాటు టక్కరి దొంగ చక్కని చుక్క, రాధాకృష్ణ చిత్రాలలో సంపూర్ణేష్ బాబు నటిస్తున్నారు.