నటి రకుల్ ప్రీత్ సింగ్ రెండేళ్లకు పైగా బాలీవుడ్ నటుడు జాకీ భగ్నానీతో డేటింగ్ లో ఉంది. తెలుగులో నటి లక్ష్మి మంచు టాక్‌షో అయిన ఫండ్ రైసర్ షో లో పాల్గొనడానికి ఈ యువ జంట త్వరలో హైదరాబాద్‌కు రానున్న‌ట్టు తెలుస్తోంది. ఫండ్ రైసర్ 8వ ఎడిషన్ ఈ నెల (ఫిబ్రవరి) 19న జరుగనుంది. లక్ష్మి మంచు, చైతన్య MRSKతో కలిసి 2014లో ఈ ఫండ్ రైసర్ ను ప్రారంభించారు.
ఇలా సేకరించిన నిధులన్నీ ‘టీచ్ ఫర్ చేంజ్’ కి ఏడాది పొడవునా విరాళంగా ఇస్తారు. ఇక ఈ ఫండ్ రైసర్ షోలో వివిధ సౌత్ & బాలీవుడ్ నటీనటులు, గాయకులు, క్రీడాకారులు పాల్గొననున్నారు. టీచ్ ఫర్ చేంజ్ ఇప్పటి వరకు తెలంగాణ, ఆంధ్రప్రదేశ్, కర్నాటక, తమిళనాడు అంతటా 432 ప్రభుత్వ పాఠశాలలతో కలిసి 42,608 మంది నిరుపేద విద్యార్థుల జీవితాలను మార్చింది.