ఒక్క కన్నుగీటు తో స్టార్ గా మారిపోయింది ప్రియా ప్రకాష్ వారియర్. ఆమె చూపులతో యూత్ హృదయాలను కొల్లగొట్టింది. ఇక ఇటీవల నితిన్ హీరోగా వచ్చిన చెక్ సినిమాలో కూడా నటించింది. అయితే ఈ సినిమా అనుకున్న స్థాయిలో ఆకట్టుకోలేకపోయింది. నెగటివ్ షేడ్స్ తో కూడిన పాత్రలో కనిపించినా అంతగా ఆకట్టుకోలేకపోయింది.
తాజాగా ఈ అమ్మడు ఇష్క్… నాట్ ఎ లవ్ స్టోరీ అనే ట్యాగ్ లైన్ తో సినిమా చేస్తోంది. ఎస్ ఎస్ రాజు దర్శకత్వం లో వస్తున్న ఈ సినిమాలో తేజ సజ్జ హీరోగా నటిస్తున్నాడు. ఉగాది సందర్భంగా ఈ సినిమాకు సంబంధించిన రిలీజ్ డేట్ ను చిత్ర యూనిట్ ప్రకటించింది. ఈ మేర పోస్టర్ ను రిలీజ్ చేసింది. ఈనెల 23వ తేదీన సినిమాను విడుదల చేయబోతున్నట్లు చిత్ర యూనిట్ ప్రకటించింది.