హాలీవుడ్ హీరోలా.. మ‌హేశ్ బాబు న్యూ లుక్

అమ్మాయిల క‌ల‌ల రాకుమారుడిగా సూప‌ర్ స్టార్ మహేశ్ బాబుకి ఎన‌లేని పేరు ఉంది. వయసుతో పాటు టాలీవుడ్ ప్రిన్స్ అందం కూడా పెరుగుతూనే ఉంది. ప్రతీ సినిమాకు అద్భుతమైన మేకోవర్ తో ప్రేక్షకులను ఆకట్టుకుంటూనే ఉన్నారు మహేశ్ బాబు. తాజాగా అద్భుతమైన లుక్స్ తో ఉన్న ఫొటోలను మహేశ్ తన ట్విట్టర్ లో షేర్ చేశారు. వింటేజ్ కారులో కూర్చొని, పక్కన స్టయిల్ గా నిలబడి ఉన్న ఈ ఫొటోలు అదిరిపోయాయి. ద‌ర్శ‌కుడు త్రివిక్రమ్ సినిమా కోసం కొంచెం ఒత్తయిన హెయిర్ స్టయిల్ లో మహేశ్ లుక్స్ కేక పుట్టిస్తున్నాయి. ప్రముఖ దుస్తుల కంపెనీ ఒట్టో ప్రమోషన్స్ లో భాగంగా ఈ ఫొటోలను తీశారు. ఒట్టో షర్ట్స్ వేసుకున్న మహేశ్ ఫొటోలు ఇప్పుడు ట్విట్టర్ లో వైరల్ అవుతున్నాయి. కాగా, మహేశ్ ప్రస్తుతం త్రివిక్రమ్ దర్శకత్వంలో నటిస్తున్నారు. ఈ సినిమా తర్వాత ద‌ర్శ‌కుడు రాజమౌళితో పని చేయనున్నారు.మ‌హేశ్ న్యూలుక్ సోష‌ల్ మీడియాని ఓ ఊపు ఉపుతోంది.