శ్రీకాంత్ అడ్డాల దర్శకత్వంలో విక్టరీ వెంకటేష్ హీరోగా తెరకెక్కుతున్న చిత్రం నారప్ప. భారీ అంచనాల మధ్య తెరకెక్కుతున్న ఈ చిత్రం తమిళంలో ధనుష్ నటించిన అసురన్ సినిమాకు రీమేక్ చిత్రంగా తెరకెక్కుతుంది. అయితే ఈ సినిమా రిలీజ్ పై నిన్నటి వరకు సందిగ్ధత నెలకొనగా ఆఖరికి సినిమాను ఓ టి టి లో రిలీజ్ చేయబోతున్నాం అని చిత్రయూనిట్ ప్రకటించింది. అయితే ఇదే విషయంపై స్పందించిన వెంకీ… శ్రేయోభిలాషులు, అభిమానులు అందరూ నారప్ప ను చూడడానికి ఆసక్తిగా ఎదురు చూస్తున్నారు.
నాకు, చిత్ర బృందానికి మీ పై చాలా ప్రేమ ఉన్నాయి. అభిమానులు అలాగే ప్రేక్షకులు ఈ సినిమాను కంఫర్ట్ అండ్ సేఫ్టీ గా ప్రియమైన వారితో చూడండి. జూలై 20న అమెజాన్ ప్రైమ్ లో విడుదల అవుతుంది అంటూ ట్వీట్ చేశాడు. కాగా నారప్ప ఓటీటీ రిలీజ్ పై ఫ్యాన్స్ ఆగ్రహం వ్యక్తం చేస్తున్న సంగతి తెలిసిందే.