కెరీర్ ను ప్రారంభించి చాలా ఏళ్ళు అవుతున్న ఏ మాత్రం జోష్ తగ్గకుండా వరుస సినిమాలను చేస్తోంది కాజల్ అగర్వాల్. ఇటీవలే వివాహం చేసుకున్న తర్వాత కూడా ఆ స్పీడ్ ను ఏమాత్రం తగ్గించలేదు. అయితే మొన్నటికి మొన్న కాజల్ ఉమ అనే లేడీ ఓరియెంటెడ్ సినిమాకి ఓకే చెప్పింది. ఈ సినిమాకు తథాగత సింఘా దర్శకత్వం వహిస్తున్నారు. అయితే ఈ ఏడాది ఆఖరికి లేదా వచ్చే ఏడాది ఆరంభంలో ఈ సినిమా షూటింగ్ స్టార్ట్ అయ్యే అవకాశం ఉన్నట్లు తెలుస్తోంది.
అలాగే ఈ సినిమా షూటింగ్ మొత్తం కూడా కలకత్తాలోనే చేయనున్నారట. అయితే తాజా సమాచారం ప్రకారం ఈ సినిమా కోసం కాజల్ కెరీర్ లోనే హైయెస్ట్ రెమ్యునరేషన్ రెండు కోట్లకు పైగా తీసుకుంటోందని సమాచారం. ఇక ఇటీవల కాజల్ మంచు విష్ణు ప్రధాన పాత్రలో వచ్చిన మోసగాళ్లు సినిమాలో నటించింది. ఈ చిత్రం బాక్సాఫీస్ వద్ద అనుకున్న స్థాయిలో ఆకట్టుకోలేక పోయింది. ఇక అలాగే మెగాస్టార్ చిరంజీవి, ఆచార్య సినిమాలో కాజల్ నటిస్తోంది. అలాగే నాగార్జున ప్రవీణ్ సత్తారు దర్శకత్వంలో తెరకెక్కుతున్న సినిమాలో కూడా నటిస్తుంది.