ఇటీవల రంగ్ దే సినిమాతో మంచి హిట్ ని అందుకున్నాడు హీరో నితిన్. ప్రస్తుతం మేర్లపాక గాంధీ దర్శకత్వంలో మాస్ట్రో సినిమా చేస్తున్నాడు. తన కెరీర్ లో 30వ సినిమాగా తెరకెక్కుతున్న ఈ సినిమా హిందీలో సూపర్ హిట్ సాధించిన అంధాదున్ కు రీమేక్ గా తెరకెక్కుతోంది. నితిన్ హోమ్ బ్యానర్ శ్రేష్ఠ్ మూవీస్ పతాకంపై సుధాకర్ రెడ్డి, నిఖితారెడ్డి సంయుక్తంగా ఈ సినిమాను నిర్మిస్తున్నారు.
ఇదిలా ఉండగా శ్రీరామనవమి సందర్భంగా చిత్ర యూనిట్ న్యూ పోస్టర్ ను రిలీజ్ చేసింది. ఈ పోస్టర్ లో నితిన్ నభా నటేష్ వెనుక కూర్చొని స్కూటీపై వెళ్తూ కనిపించాడు. సస్పెన్స్ థ్రిల్లర్ నేపథ్యంలో తెరకెక్కుతున్న ఈ చిత్రంలో నితిన్ అందుడిగా కనిపించనున్న సంగతి తెలిసిందే. అలాగే మిల్కీ బ్యూటీ తమన్నా కూడా ఈ సినిమాలో నటిస్తోంది.