స్టైలిష్ స్టార్ అల్లు అర్జున్ ఇటీవల కరోనా మహమ్మారి బారిన పడిన సంగతి తెలిసిందే. ప్రస్తుతం హోమ్ ఐసోలేషన్ లో అల్లు అర్జున్ ఉన్నారు. అయితే అల్లుఅర్జున్ సుకుమార్ దర్శకత్వంలో పుష్ప సినిమా చేస్తున్నాడు. గందపు చెక్కల నేపథ్యంలో తెరకెక్కుతున్న ఈ చిత్రం కరోనా కారణంగా ఇటీవల షూటింగ్ ను వాయిదా వేసింది. అయితే ఈ సినిమాకు సంబంధించి రకరకాల వార్తలు తెరపైకి వస్తున్నాయి.
తాజా సమాచారం ప్రకారం ఈచిత్రానికి సంబంధించి మరో వార్త బయటకు వచ్చింది. దాని ప్రకారం మొదటి పార్టుకు ఇంకా నెల నుంచి నెలరోజులు బ్యాలెన్స్ ఉన్నట్లు తెలుస్తోంది. ఇక ఈ సినిమాలో బన్నీ సరసన రష్మిక మందన హీరోయిన్ గా నటిస్తోంది. అలాగే దేవిశ్రీ ప్రసాద్ సంగీతం అందిస్తున్నారు. మైత్రి మూవీ మేకర్స్ నిర్మిస్తున్న ఈ చిత్రాన్ని దసరాకు రిలీజ్ చేసేందుకు చిత్ర యూనిట్ ప్లాన్ చేస్తోంది.