మహీంద్రా అండ్‌ మహీంద్రా కంపెనీ సరికొత్త బోలెరో మ్యాక్స్‌ పిక్‌-ఆప్‌ వ్యాన్‌ను మార్కెట్‌లో విడుదల చేసింది. రవాణా, లాజిస్టిక్స్‌ అవసరాలను తీర్చేలా దీన్ని తీర్చిదిద్దారు. దీని ప్రారంభ ధర 7,68,000 రూపాయలని కంపెనీ ఒక ప్రకటనలో తెలిపింది. ఆకర్షనీయమైన ఫైనాన్స్‌ స్కీమ్స్‌తో 25 వేల రూపాయల డౌన్‌ పేమెంట్‌తో ఈ వాహనాన్ని కొనుగోలు చేయవచ్చు. ఈ వ్యాన్‌లో అత్యాధునిక సాంకేతిక పరిజ్జాన్ని పొందుపరిచారు.
ఐ మ్యాక్స్‌ టెలిమ్యాటిక్స్‌ సొల్యూషన్‌ కలిగి ఉంటుందని కంపెనీ తెలిపింది. ప్రీమియం డిజైన్‌, నూతన ఫ్రంట్‌ గ్రిల్‌, హెడ్‌ల్యాంప్లు, డిజిటల్‌ క్టస్టర్‌తో ప్రీమియం డ్యాష్‌బోర్డు వంటి సదుపాయలు ఇందులో ఉన్నాయి. ఎత్తు సరిచేసుకునే డ్రైవర్‌ సీటు, మెరుగైన లెగ్‌రూమ్‌ కోసం సర్టిఫైడ్‌ డీప్లస్‌ 2 సిటింగ్‌, టర్న్‌ సేఫ్‌ లైట్స్‌ వంటివి ఉన్నాయి. 13 వందల కేజీల బరువును ఇది లాగుతుంది. మూడు సంవత్సరాలు లేదా లక్ష కిలోమీటర్ల వరకు వారెంటీ ఇస్తున్నట్లు కంపెనీ తెలిపింది.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.