మన దేశ ఎగుమతులు ఆగస్టు నెలలో 1.62 శాతం పెరిగి 33.92 బిలియన్‌ డాలర్లకు చేరాయి. దిగుమతులు మాత్రం 37.28 శాతం వృద్ధితో 61.9 బిలియన్‌ డాలర్లుకు చేరాయి. ఫలితంగా వాణిజ్య లోటు రెండింతలకు పైగా పెరిగింది. ఈ లోటు 27.98 బిలియన్‌ డాలర్లకు చేరింది. 2021 ఆగస్టులో వాణిజ్యలోటు 11.71 బిలియన్‌ డాలర్లుగా ఉంది. ఈ సంవత్సరం ఏప్రిల్‌-ఆగస్టులో దేశీయ ఎగుమతులు 17.68 శాతం పెరిగి 193.51 బిలియన్‌ డాలర్లకు చేరాయి.
ఇదే సమయంలో దిగుమతులు కూడా 45.74 శాతం పెరిగి , 318 బిలియన్‌ డాలర్లుగా నమోదయ్యాయి. ఫలితంగా వాణిజ్యలోటు 124.52 బిలియన్‌ డాలర్లకు పెరిగింది. ఏడాది క్రితం ఇదే సమయంలో ఇది 53.78 బిలియన్‌ డాలర్లుగా ఉంది.