Murder: కదిరిలో బరితెగించిన దొంగలు

అనంతపురం జిల్లా కదిరిలో దొంగల బీభత్సం సృష్టించారు.  ఓ ఇంట్లోకి ప్రవేశించి ఉపాధ్యాయురాలును హత్య చేశారు. మృతురాలు ప్రభుత్వ ఉపాధ్యాయురాలు ఉష (45) గా గుర్తించారు. భర్త శంకర్ రెడ్డి మార్నింగ్ వాక్ కు వెళ్లిన సమయంలో చోరీకి వచ్చిన దొంగలు… ఈ దారుణానికి పాల్పడ్డారు. ఈ క్రమంలో పక్కింటి మహిళకు తీవ్ర గాయాలు అయ్యాయి. దీంతో ఆమెను అనంతపురం ఆస్పత్రికి తరలించారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. నిందితుల కోసం గాలిస్తున్నారు. కాగా, ఉపాధ్యాయులుగా శంకర్ రెడ్డి ఆయన సతీమణి ఉషారాణిలు ఓడి చెరువు మండలంలో సుదీర్ఘ కాలంగా పనిచేశారు. ఆతర్వాత ఆమడగూరు,కదిరి, ఎన్ పి కుంట మండలాల్లో పనిచేశారు.