పవర్ స్టార్ పవన్ కళ్యాణ్ వరుస సినిమా లను లైన్ లో పెడుతున్న సంగతి తెలిసిందే. ఇప్పటికే వకీల్ సాబ్ తో ప్రేక్షకుల ముందుకు రావడానికి రెడీ గా ఉన్నాడు. ఇక మరోవైపు క్రిష్ దర్శకత్వంలో ఓ సినిమా చేస్తున్నాడు. అలాగే సాగర్ కే చంద్ర దర్శకత్వంలో కూడా అయ్యప్పనుమ్ కోషియం రీమేక్ చేస్తున్నాడు. వీటితో పాటు గబ్బర్ సింగ్ డైరెక్టర్ హరీష్ శంకర్ దర్శకత్వంలో కూడా ఓ సినిమా చేస్తున్నాడు.
కెరీర్ లో 28వ చిత్రంగా తెరకెక్కుతున్న ఈ చిత్రాన్ని మైత్రి మూవీ మేకర్స్ నిర్మిస్తున్నారు. ఇక గతంలో పవన్ కళ్యాణ్ హరీష్ శంకర్ కాంబినేషన్ లో వచ్చిన గబ్బర్ సింగ్ చిత్రం మంచి విజయం సాధించడంతో ఈ సినిమాపై భారీ అంచనాలు నెలకొన్నాయి. ఇక గబ్బర్ సింగ్ లో పోలీస్ గా కనిపించిన పవన్ ఈ చిత్రంలో లెక్చరర్ గా కనిపించబోతున్నాడట. పవన్ ను సరి కొత్తగా చూపించేందుకు హరిశంకర్ స్క్రిప్ట్ కూడా రెడీ చేసుకున్నాడని తెలుస్తోంది. ఇప్పటివరకు పవన్ ఏ సినిమాలో కూడా లెక్చరర్ గా కనిపించలేదు. మరి హరీష్ డైరెక్షన్ లో పోలీస్ గా మెప్పించిన పవన్ ఇప్పుడు లెక్చరర్ గా ఏ మేర మెప్పిస్తాడో చూడాలి.