Thursday, May 26, 2022

కామన్వెల్త్ గేమ్స్ కోసం జిమ్ లో స్టార్ బాక్సర్ ఎంసీ మేరీకోమ్ : కూ లో షేర్ చేసిన వీడియో

భారత స్టార్ బాక్సర్ ఎంసీ మేరీకోమ్ ఈ ఏడాది జులైలో జరగనున్న కామన్వెల్త్ గేమ్స్ కోసం సన్నాహాలు ప్రారంభించింది. ఆరుసార్లు ప్రపంచ ఛాంపియన్‌గా నిలిచిన మేరీకోమ్ పూర్తి దృష్టి బర్మింగ్‌హామ్‌లో జరగనున్న కామన్వెల్త్ క్రీడలపైనే ఉంది. దీని కోసం ఆమెకు బాగా చెమటలు పడుతున్నాయి. MC మేరీ కోమ్ సోషల్ మీడియా యాప్ కూ లో తన వీడియోను షేర్ చేసింది. విజయానికి కృషి మాత్రమే అవసరం అని రాసింది. దీనికి షార్ట్‌కట్ పద్ధతి లేదు. ప్రయత్నించినా ఫలితం ఉండదు. కష్టపడి పనిచేయాలి. కొద్ది రోజుల క్రితం ఢిల్లీలో జరిగిన నార్త్ ఈస్ట్ ఉమెన్స్ ఫుట్‌బాల్ లీగ్ ఆవిష్కరణ సందర్భంగా ఈశాన్య రాష్ట్రాల మహిళల కోసం ఈ లీగ్‌ను నిర్వహించడం చాలా సంతోషంగా ఉందని ఆమె అన్నారు. ఈ ఈవెంట్ ఈశాన్య ప్రాంత మహిళలు ఫుట్‌బాల్ రంగంలో తమ సత్తాను చాటేందుకు వేదికను అందిస్తుందన్నారు. తాను బాక్సింగ్‌లో త‌న కెరీర్‌ని చేసుకున్నానని, దీంతో ఈశాన్య రాష్ట్రాల అమ్మాయిలు ముందుకు వచ్చి ఈ లీగ్‌ని ఉన్నత శిఖరాలకు తీసుకెళ్లాలని విజ్ఞప్తి చేస్తానని చెప్పింది. మ‌హిళ‌ల‌ను ప్రోత్స‌హిస్తూ మేరీకోమ్ మాట్లాడుతూ.. అంద‌రూ మ‌హిళ‌లు ఎంతో దృఢంగా ఉన్నారన్నారు. అన్ని రంగాల్లోనూ మెరుగ్గా రాణిస్తున్నామ‌న్నారు. ఆడపిల్లలందరూ ముందుకు వచ్చి క్రీడా రంగంలో మరింత మెరుగ్గా రాణించాలని విజ్ఞప్తి చేస్తున్న‌ట్లు తెలిపారు.
దేశంలో వేగంగా అభివృద్ధి చెందుతున్న క్రీడా సంస్కృతి :
దేశంలో క్రీడల మౌలిక సదుపాయాల గురించి మాట్లాడుతూ.. ఇప్పుడు ప్రభుత్వంతో పాటు ప్రైవేట్ రంగం కూడా ఎంతో సహాయం చేస్తోందన్నారు. ఈ కారణంగా, దేశంలో క్రీడా సంస్కృతి వేగంగా అభివృద్ధి చెందుతోందన్నారు. అవగాహన పెరగడం వల్ల అవకాశాలు వేగంగా సృష్టించబడుతున్నాయన్నారు. ఒకప్పుడు ఎన్నో సమస్యలు ఉండేవి.. కానీ నేడు పరిస్థితి మారిపోయిందన్నారు. ఒకప్పుడు ప్రపంచ ఛాంపియన్‌గా నిలిచినా స్లీపర్‌లో ప్రయాణించాల్సి వచ్చేదని, కానీ నేడు సౌకర్యాలు శరవేగంగా పెరిగాయన్నారు. ఈశాన్య రాష్ట్రాల్లో ఎంతో మంది ప్రతిభ ఉన్నారన్నారు. ఇలాంటి వేదికలు అందుబాటులోకి వస్తే తప్పకుండా మన దేశం క్రీడా రంగంలో వేగంగా పురోగమిస్తుందన్నారు.

Advertisement

తాజా వార్తలు

Advertisement