సరస్వతి పుత్రిక.. కరుణించని లక్షీ కటాక్షం పేరుతో ఆంధ్రప్రభ దినపత్రికలో వచ్చిన కథనానికి మంత్రి కేటీఆర్ స్పందించారు. నర్సింగ్ చదవాల్సిన బాలిక తండ్రి మృతితో కుటుంబ భారం నెత్తినేసుకుని ఆటో నడుపుతున్న తీరును ఆంధ్రప్రభ మనుసులను కదిలించేలా రాయడంతో మంత్రి రెస్పాండ్ అయ్యారు.
ర్యాంకు వచ్చినా కౌన్సెలింగ్ ఫీజు కట్టలేక చదువు మానేసిన బాలికకు తాను అండగా ఉంటానని ఇవ్వాల (బుధవారం) వెల్లడించారు. ఈమేరకు ట్విట్టర్ వేదికగా ఆయన ఆంధ్రప్రభ కథనాన్ని కోట్ చేస్తూ రిప్లయ్ ఇచ్చారు. బాలిక చదువుకు తాను బాధ్యత తీసుకుంటానని, బాధపడాల్సిన అవసరం లేదన్నారు. ఈ మేరకు తన కార్యాలయం అధికారులు వెంటనే చర్యలు తీసుకుంటారని తెలిపారు. దీంతో బాలిక కుటుంబంతో పాటు చాలామంది ఆంధ్రప్రభ కథనంపై హర్షం వ్యక్తం చేస్తున్నారు. పేదల బతుకుల్లో వెలుగులు నింపేలా రాశారని సంతోషం వ్యక్తం చేస్తున్నారు.
