భారత్ లోని ఫుడ్ సూప‌ర్.. జ‌పాన్ రాయ‌బారి.. స్పందించిన ప్ర‌ధాని మోడీ

జ‌పాన్ రాయ‌బారి హిరోషి సుజుకి భార‌త్ లో స్ట్రీట్ ఫుడ్ ని ఆస్వాదించిన వీడియోని పోస్ట్ చేశారు.మహారాష్ట్రలోని పుణెలో పర్యటించిన హిరోషి సుజుకి దంపతులు.. వడపావ్‌తో పాటు కొన్ని రకాల స్ట్రీట్‌ ఫుడ్ రుచి చూశారు. ఈ క్రమంలోనే భారతీయ స్ట్రీట్ ఫుడ్‌పై ప్రశంసించారు. భారత దేశంలోని స్ట్రీట్ ఫుడ్ అంటే తనకు చాలా ఇష్టమని హిరోషి సుజకి చెప్పారు. అయితే కాస్తా మసాలా తగ్గించాలని కోరారు. ఆయన షేర్ చేసిన ఓ వీడియోపై స్పందించిన భారత ప్రధాని నరేంద్ర మోడీ.. తనదైన శైలిలో స్పందించారు. భారతదేశపు పాక వైవిధ్యాన్ని ఇంత వినూత్నంగా ప్రదర్శించడం సంతోషంగా ఉందన్నారు. ఇలాంటి వీడియోలు చేస్తూ ఉండండి అని పేర్కొన్నారు. హిరోషి సుజుకి షేర్ చేసిన ఓ వీడియో ఆయన తక్కువ స్పైసీ కావాలని కోరగా.. అతని భార్య మాత్రం హాట్ స్పైసీ కావాలని కోరారు. ఈ క్రమంలోనే తన భార్య తనను బీట్ చేసిందని పేర్కొన్నారు. ఈ వీడియోపై స్పందించిన ప్రధాని మోదీ.. మిస్టర్ అంబాసిడర్.. మీరు ఓడిపోయినా పట్టించుకోని పోటీ ఇది. మీరు భారతదేశపు పాక వైవిధ్యాన్ని ఆస్వాదించడం, దానిని ఇంత వినూత్న రీతిలో ప్రదర్శించడం చూసి సంతోషిస్తున్నాము. వీడియోలు వస్తూ ఉండనివ్వండి అని ట్వీట్ చేశారు.