మ‌ద‌ర్స్ డే సంద‌ర్భంగా వీడియో పోస్ట్ చేసిన మెగాస్టార్ చిరంజీవి

నేడు మదర్స్ డే సందర్భంగా సెలెబ్రిటీలంతా తమ తల్లుల గురించి సోషల్ మీడియాలో పోస్ట్ లు పెడుతూ విషెస్ చెబుతున్నారు. మెగాస్టార్ చిరంజీవి కూడా ట్విట్టర్ లో ఓ వీడియో షేర్ చేశారు. తల్లులందరికీ అభివందనములు.. ప్రపంచంలో ఉన్న తల్లులందరికీ హ్యాపీ మదర్స్ డే అంటూ చిరంజీవి ఎమోషనల్ వీడియో షేర్ చేశారు. ఈ వీడియోలో చిరంజీవి, నాగబాబు, పవన్ కళ్యాణ్ ముగ్గురూ తమ తల్లి అంజనా దేవితో షూటింగ్ లొకేషన్ లో భోజనం చేస్తూ.. ఆమెని కారు ఎక్కిస్తున్న అందమైన దృశ్యాలు ఉన్నాయి. ఈ వీడియో బ్యాగ్రౌండ్ లో వకీల్ సాబ్ చిత్రంలోని పాట మ్యూజిక్ వినిపిస్తోంది. మొత్తంగా ఈ వీడియో ఎమోషనల్ గా ఉంటూ గూస్ బంప్స్ తెప్పిస్తోంది. ఎక్కడో షూటింగ్ లొకేషన్ లోనే వీరంతా తమ తల్లితో ఉన్నారు. ఈ వీడియోలో పవన్ కళ్యాణ్ పంచె కట్టులో కనిపిస్తున్నారు.