గుజ‌రాత్ రాష్ట్రంలో ఘోర ప్ర‌మాదం జ‌రిగింది. ఆదివారం మోర్బీ ప్రాంతంలోని మ‌చ్చు న‌దిపై నిర్మించిన కేబుల్ బ్రిడ్జి కూలిపోయింది. దీంతో బ్రిడ్జి మీద నుంచి వెళుతున్న సంద‌ర్శ‌కులు ఒక్క‌సారిగా న‌దిలో ప‌డిపోయారు. ఈ ప్ర‌మాదంలో ఇప్పటికైతే 32 చనిపోయిన‌ట్లు తెలుస్తోంది. న‌దిలో ప‌డిపోయిన వారు 400 మందికి పైగా ఉండొచ్చున‌ని పోలీసులు చెబుతున్నారు. ఈ ఘ‌ట‌న తెలిసిన వెంట‌నే పోలీసు అధికారులు అక్క‌డికి చేరుకుని సహాయక చ‌ర్య‌లు చేప‌ట్టారు. గ‌ల్లంతైన వారి ఆచూకీ కోసం వారి కుటుంబ స‌భ్యులు విల‌పిస్తున్నారు.
ఇంత‌కుముందే దెబ్బ తిన్న ఈ కేబుల్ బ్రిడ్జికి రిపేర్లు చేసిన త‌ర్వాత ఐదు రోజుల క్రితం సంద‌ర్శ‌కుల రాక‌పోక‌ల‌కు అనుమ‌తించిన‌ట్టు తెలుస్తోంది. గాయ‌ప‌డిన వారిని చికిత్స కోసం త‌ర‌లించేందుకు అంబులెన్స్‌ల‌ను మోహ‌రించారు. స్థానికుల సాయంతో గ‌ల్లంతైన వారి ఆచూకీ కోసం గాలిస్తున్నారు. ఈ ఘ‌ట‌న‌కు సంబంధించిన పూర్తి వివ‌రాలు తెలియాల్సి ఉంది.