రోజు రోజుకి మ‌హిళ‌ల‌పై దాడులు జ‌ర‌గ‌డం ప‌రిపాటిగా మారింది. నిత్యం ఎక్క‌డో ఒక‌చోట మ‌హిళ‌లని హింసిస్తున్న వారి సంఖ్య పెరుగుతూనే ఉంది. కాగా దేశ‌రాజ‌ధాని ఢిల్లీలో దారుణ ఘ‌ట‌న చోటుచేసుకుంది. ద‌క్షిణ ఢిల్లీలోని అమర్ కాలనీలో న‌డిరోడ్డుపై ఓ మ‌హిళ‌ను ఇద్ద‌రు వ్య‌క్తులు దారుణంగా దాడిచేశారు. ఇద్ద‌రు డ్రైవ‌ర్లు ఆమెపై దాడి చేయ‌డంతో పాటు కొంత దూరం కారుతో రోడ్డుపై ఈడ్చుకెళ్లి.. న‌డిరోడ్డుపైకి విసిరేశారు. గాయాల‌తో ఆ మ‌హిళ ప్రాణాల‌తో బ‌య‌ట‌ప‌డింది. ఈ ఘ‌ట‌న‌కు సంబంధించిన వీడియో దృశ్యాలు ప్ర‌స్తుతం సోషల్ మీడియాలో వైర‌ల్ గా మారాయి. పోలీసులు ఈ ఘ‌ట‌నపై కేసు న‌మోదుచేసుకుని ద‌ర్యాప్తు ప్రారంభిచారు. ఈ ఘటనను సీరియస్‌గా తీసుకున్న పోలీసులు.. నిర్లక్ష్యంగా వ్య‌వ‌హ‌రించిన ముగ్గురు పోలీసులను సస్పెండ్ చేశారు.ఈ ఘ‌ట‌న‌లో బాధితురాలిపై దాడి చేయ‌డంతో పాటు కొంత దూరం కారుతో ఈడ్చుకెళ్లార‌ని తెలిపింది. ఆ త‌ర్వాత కారు వేగంగా పోతుండ‌గానే.. తోసేశార‌నీ, తీవ్ర‌గా గాయ‌ప‌డ్డాన‌ని బాధితురాలు ఫిర్యాదులో పేర్కొంది. దీనిపై కేసు న‌మోదుచేసుకుని విచార‌ణ జ‌రుపుతున్నామ‌ని పోలీసులు తెలిపారు.
Advertisement
తాజా వార్తలు
Advertisement