ఓ బాణసంచా ఫ్యాక్టరీలో భారీ పేలుడు జ‌రిగింది. ఈ ప్ర‌మాదంలో ఏడుగురు దుర్మ‌ర‌ణం చెందారు. మ‌రో న‌లుగురికి తీవ్ర గాయాలు అయ్యాయి. ఈప్ర‌మాదం పశ్చిమ బెంగాల్ మిడ్నాపూర్ లో చోటు చేసుకుంది. ఈ ఘటనలో మృతుల సంఖ్య పెరిగే అవకాశం ఉందని అధికారులు అనుమానిస్తున్నారు. వివరాలు.. తూర్పు మిడ్నాపూర్ జిల్లాలోని ఎగ్రా వద్ద ఓ బాణసంచా ఫ్యాక్టరీలో మంగళవారం పేలుడు చోటుచేసుకుంది. పేలుడు ధాటికి అగ్నిమాపక కర్మాగారాన్ని న‌డుపుతోన్న ఇళ్లు పూర్తిగా కూలిపోయింది.
ఈ ఘటనపై సమాచారం అందుకున్న పోలీసులు, అగ్నిమాపక సిబ్బంది వెంటనే అక్కడికి చేరుకున్నారు. మంటలను అదుపులోకి తీసుకురావడంతో పాటు సహాయక చర్యలు చేపట్టారు. . గాయపడిన నలుగురిని సమీపంలోని ఆసుపత్రికి తరలించగా వారి పరిస్థితి విషమంగా ఉన్నట్లు సమాచారం.అయితే సహాయక చర్యలు పూర్తయిన తర్వాత మరిన్ని మృతదేహాలు లభ్యమయ్యే అవకాశం ఉందని పోలీసులు అనుమానిస్తున్నారు. ఈ పేలుడు కేవలం అక్కడ నిల్వ ఉంచిన పటాకుల వల్ల జరిగిందా లేదా బాణసంచా ఫ్యాక్టరీలో తయారు చేసిన ముడి బాంబులు పేలడం వల్ల జరిగిందా అనే కోణాల్లో పోలీసులు దర్యాప్తు చేస్తున్నారు. అవసరమైన అనుమతి లేకుండా బాణసంచా ఫ్యాక్టరీ పూర్తిగా అక్రమ పద్ధతిలో నడుస్తోందని స్థానికులు ఆరోపించారు.