Breaking : అదుపుత‌ప్పి లోయ‌లో ప‌డిన మినీ బ‌స్సు-11మంది మృతి-మృతుల కుటుంబాల‌కి రూ.5ల‌క్ష‌ల ప‌రిహారం

ఓ మినీ బ‌స్సు అదుపుత‌ప్పి లోయ‌లో ప‌డింది.ఈ ప్ర‌మాదంలో 11మంది మ‌ర‌ణించారు.ఈ సంఘ‌ట‌న జ‌మ్మూక‌శ్మీర్ పూంచ్ జిల్లాలో చోటు చేసుకుంది. ఆ సమయంలో బస్సు మండి నుంచి సాజియాన్ ప్రాంతానికి వస్తోంది. సాజియాన్ సమీపంలో ఓ లోతైన లోయలోకి బస్సు పడిపోవడంతో తీవ్ర ప్రాణనష్టం సంభవించింది. గాయపడిన వారిని మండిలోని ఓ ఆసుపత్రికి తరలించినట్టు అధికారులు తెలిపారు. ప్రస్తుతం ఘటన స్థలంలో సహాయక చర్యలు కొనసాగుతున్నాయి. మృతుల కుటుంబాలకు రూ.5 లక్షల చొప్పున పరిహారం అందించనున్నట్టు జమ్మూ కశ్మీర్ లెఫ్టినెంట్ గవర్నర్ మనోజ్ సిన్హా వెల్లడించారు. క్షతగాత్రులకు మెరుగైన చికిత్స అందించాలని అధికారులను ఆదేశించారు.