క్రికెట్ ప్రేమికులను విశేషంగా అలరిస్తున్న ఐపీఎల్ 2024 సీజన్ చివరి దశకు చేరుకుంది. రేపు (మే 26) చెన్నైలోని ఎంఏ చిదంబరం స్టేడియంలో ఐపీఎల్ సీజన్ 17 చివరి మ్యాచ్ జరగనుంది. ఈ మ్యాచ్‌లో సన్‌రైజర్స్ హైదరాబాద్ – కోల్‌కతా నైట్ రైడర్స్ జట్లు ఐపీఎల్ కప్ కోసం అమీతుమీ తేల్చుకోనున్నాయి. ఈ నేపథ్యంలో ఈరోజు ఐపీఎల్ ట్రోఫీతో ఇరు జట్ల కెప్టెన్లు ఫొటోలు దిగారు.
సన్‌రైజర్స్ హైదరాబాద్ కెప్టెన్ పాట్ కమిన్స్ – కోల్‌కతా నైట్ రైడర్స్ కెప్టెన్ శ్రేయాస్ అయ్యర్ చెన్నై బీచ్, ఇతర ప్రాతాంల్లో ఐపీఎల్ కప్‌తో సందడి చేశారు. ఇందుకు సంబంధించిన ఫోటోలను ఐపీఎల్ నిర్వాహకులు సోషల్ మీడియాలో షేర్ చేయగా, ఇప్పుడు అవి వైరల్‌గా మారాయి.
