ఈరోజు ముంబైలోని డీవై పాటిల్ స్టేడియంలో రాయల్ ఛాలెంజర్స్ బెంగళూరు, కోల్‌కతా నైట్ రైడర్స్ మధ్య మ్యాచ్ జరుగుతోంది. బెంగళూరు కెప్టెన్ ఫాఫ్ టాస్ గెలిచి బౌలింగ్ ఎంచుకున్నాడు. తొలుత బ్యాటింగ్ చేసిన కేకేఆర్ అష్టకష్టాలు పడింది. క్రీజులో నిలవడమే బ్యాట్‌మ‌న్స్‌కి కష్టమైంది. 18.5 ఓవర్లలో 9 వికెట్లు కోల్పోయి 128 పరుగులు చేసింది. దీంతో రాయల్ చాలెంజర్స్ ఎదుట 129 పరుగుల టార్గెట్‌ను ఉంచింది. 14 పరుగులకు తొలి వికెట్ కోల్పోయిన కేకేఆర్ టీం.. 32 పరుగుల వద్ద రెండు, 44 వద్ద మూడు, 46 వద్ద 4, 67 వద్ద 5, 67 పరుగుల వద్ద ఆరో వికెట్‌ను కోల్పోయింది. 83 పరుగుల వద్ద 7, 99 వద్ద 8, 101 పరుగుల వద్ద 9వ వికెట్‌ను కోల్పో్యింది. ఇక చివరి వికెట్‌ను 128 పరుగుల వద్ద కోల్పోయింది. రాయల్ ఛాలెంజర్స్ బెంగళూరు బౌలర్లలో వసిందు హసరంగా 4 వికెట్లు, ఆకాష్ దీప్ 3, హర్షల్ పటేల్ 2, సిరాజ్ ఒక వికెట్ పడగొట్టారు.
కేకేఆర్ బ్యాట్స్‌మ‌న్‌లో రస్సెల్ ఒక్కడే 25 పరుగులు చేశాడు. మిగతా వారంతా 20 లోపే పెవిలియన్ చేరారు. రహానే 9, వెంకటేష్ అయ్యర్ 10, శ్రేయాస్ అయ్యర్ 13, రాణా 10, సునీల్ నరైన్ 12, బిల్లింగ్స్ 14, జాక్సన్ 0, సౌథీ 1, ఉమేష్ యాదవ్ 18 పరుగులు చేసి పెవిలియన్ చేరారు. పవర్ ప్లేలో KKR బ్యాటర్ల ముందు ఫాఫ్ ఒత్తిడి వ్యూహాన్ని అనుసరించాడు. ప్రత్యేక ఫీల్డింగ్ సెట్ చేయడంతో వెంకటేష్, రహానే, రానా, అయ్యర్‌లు పెవిలియన్‌కు చేరుకున్నారు. అయ్యర్ కోసం, అతను డీప్ పాయింట్, డీప్ స్క్వేర్ లెగ్ వద్ద ఫీల్డర్‌ను ఉంచాడు. ఆకాశ్ దీప్ వేసిన మూడో ఓవర్లో 14 బంతుల్లో 10 పరుగుల వద్ద వెంకటేష్ ఔటయ్యాడు. 10 బంతుల్లో 9 పరుగులు చేసిన తర్వాతి ఓవర్‌లోనే రహానే వికెట్ కూడా కోల్పోయాడు. అజింక్యా వికెట్‌ను మహ్మద్ సిరాజ్ తీయగా, డీప్ స్క్వేర్ లెగ్ ఫీల్డర్‌లో షాబాజ్ అహ్మద్ క్యాచ్ పట్టాడు.
ఇక.. రాయల్ చాలెంజర్స్ సెకండ్ ఇన్సింగ్స్‌లో బ్యాటింగ్‌కు దిగారు. 12వ ఓవ‌ర్ల వద్ద 4 వికెట్ల‌కు 70 పరుగులు మాత్ర‌మే చేశారు. త‌క్కువ టార్గెట్ ఉంద‌న్న చిన్న నిర్ల‌క్ష్యంతో ఆట‌ను ప్రారంభించిన‌ట్టు అనిపిస్తోంది. ఎందుకంటే కెప్టెన్ డూప్లిసెస్ 5 పరుగులు మాత్ర‌మే చేసి అవుట‌య్యాడు. అనుజ్ రావ‌త్ డ‌క్ అవుట్ కాగా, విరాట్ కోహ్లీ 12, డేవిడ్ విల్లే 18 పరుగులు మాత్ర‌మే చేశారు. టాపార్డ‌ర్ బ్యాట్స్‌మ‌న్ చెప్పుకోద‌గ్గ స్కోర్లు చేయ‌క‌పోవ‌డంతో జ‌ట్టు క‌ష్టాల్లో పడింది. రూథ‌ర్‌ఫోర్డ్‌, అహ్మద్ జ‌ట్టును ముందుకు న‌డిపించ‌డంలో క‌ష్ట‌ప‌డుతున్నారు.
