న్యూఢిల్లి : పాకిస్తాన్‌లోని పెషావర్‌ ప్రాంతంలోని సర్బండ్‌ పట్టణంలోని బాటా తాల్‌ బజార్‌లో సుగంధ ద్రవ్యాలు విక్రయిస్తున్న ఇద్దరు సిక్కు వ్యక్తులను గుర్తు తెలియని వ్యక్తులు ఆదివారంనాడు కాల్చి చంపారు. మృతులను సల్జిత్‌ సింగ్‌, రణ్‌జీత్‌ సింగ్‌గా గుర్తించారు. కాగా ఈ సంఘటనపై భారత్‌ తీవ్ర ఆగ్రహం వ్యక్తం చేసింది. పాకిస్తాన్‌లో ఇలాంటి సంఘటన ఇదే తొలిసారి కాదని పేర్కొంది. ఈ సంఘటనపట్ల తీవ్ర నిరసన వ్యక్తం చేస్తూ విదేశాంగ శాఖ ప్రకటన జారీ చేసింది. ఈ దుర్ఘటన తమకు దిగ్భ్రాంతి కలిగించిందని పేర్కొంది. పెషావర్‌లో దాదాపు 15వేలమంది సిక్కు మతస్తులు నివసిస్తున్నారు. రాజధానికి సమీపంలోని జోగన్‌ షా ప్రాంతంలో వీరి జనాభా ఎక్కువ.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..