సాలార్ జంగ్ మ్యూజియం విద్యా కార్యకలాపాల కింద మే 1 నుండి మే 17 వరకు పాఠశాల విద్యార్థుల కోసం సమ్మర్ ఆర్ట్ క్యాంప్-2023ని నిర్వహించనున్నట్టు అధకారులు ప్రకటించారు. కాగా, ఈ సమ్మర్ ఆర్ట్ క్యాంప్ లో విద్యార్థుల వయస్సు ఆధారంగా వారిని జూనియర్లు (8-11 సంవత్సరాలు), సీనియర్లు (12-15 సంవత్సరాలు) వర్గాలుగా వర్గీకరిస్తారు. ఎంపికైన విద్యార్థులు “ఇంపార్టెన్స్ ఆఫ్ యోగా & ఆర్ట్ ఆఫ్ లివింగ్, నేషనల్ ఇంటిగ్రేషన్, ఇండియన్ ఆర్ట్స్, హెరిటేజ్ అవేర్‌నెస్ అండ్ మ్యూజియం అవేర్‌నెస్”, డ్రాయింగ్ (పాస్టెల్స్ & పెన్సిల్), పెయింటింగ్ (క్రేయాన్స్, వాటర్ కలర్స్), ఆర్ట్ అండ్ క్రాఫ్ట్’’ వంటి వివిధ కార్యకలాపాలలో పాల్గొనవచ్చు.
అయితే, గత రెండేళ్లలో పాల్గొనని అభ్యర్థులకు ప్రాధాన్యత ఇవ్వబడుతుందని మ్యూజియం యాజమాన్యం పేర్కోంది. ఈ సమ్మర్ క్యాంప్ లో పాల్గొనాలి అనుకునే విద్యార్థులు రూ.700 రుసుము చెల్లించాల్సి ఉంటుంది. ఆసక్తిగల విద్యార్థులు మ్యూజియం రిసెప్షన్ కౌంటర్ నుండి దరఖాస్తు ఫారమ్‌ను సేకరించి, ఏప్రిల్ 24లోగా సమర్పించవచ్చు. ఎంపికైన అభ్యర్థుల తుది జాబితా ఏప్రిల్ 25న ప్రకటించబడుతుంది.