టాలీవుడ్ సూపర్ స్టార్ మహేష్ బాబు.. తాజాగా సన్రైజర్స్ హైదరాబాద్ ఆటగాళ్లతో సమావేశమయ్యారు. సన్రైజర్స్ హైదరాబాద్ కెప్టెన్ పాట్ కమిన్స్‌తో పాటు మయాంక్ అగర్వాల్, అభిషేక్ శర్మలను కలిశారు. వీరు కలిసిన ఫోటోల‌ను ఎస్‌ఆర్‌‌హెచ్ తమ అధికారిక X (ట్విట్టర్)లో పోస్ట్ చేసింది. కాగా, దీనిపై ఎస్‌ఆర్‌‌హెచ్ కెప్టెన్ పాట్ కమిన్స్ కూడా సోషల్ మీడియాలో స్పందించారు. మహేష్ బాబును టాలీవుడ్ ప్రిన్స్ అని అభివర్ణించారు. ఆయనను కలవడం ఎంతో ఆనందంగా అనిపించింది అని పేర్కొన్నాడు.
ఈ సీజన్‌లో ప్యాట్ కమిన్స్ సారథ్యంలో హైదరాబాద్ జట్టు అద్భుత ప్రదర్శన చేస్తొంది. ఆడిన 7 మ్యాచ్‌లలో 5 గెలిచి ఐపీఎల్ పాయింట్స్ టేబుల్‌లో 3వ స్థానంలో నిలిచింది. కాగా, ఈ నెల 20న ఢిల్లీ క్యాపిటల్స్‌ను ఓడించిన సన్రైజర్స్… ఆర్‌సీబీతో మ్యాచ్ కోసం హైదరాబాద్ చేరుకుంది. ఈ సందర్భంగానే సూపర్ స్టార్ మహేష్ బాబును కలిశారు ఎస్‌ఆర్‌‌హెచ్ ప్లేయర్లు. ఇక ఈ నెల 25న హైదరాబాద్‌లో ఆర్‌సీబీతో సన్రైజర్స్ తలపడనుంది.