విశాఖ స్టీల్ ప్లాంట్ ప్రైవేటీకరణ నిర్ణయానికి సినీ పరిశ్రమ నుంచి మద్దతు పెరుగుతోంది. ఒక్కొక్కరుగా ఉద్యమానికి మద్దతు ప్రకటిస్తున్నారు. తాజా నటుడు శివాజీ కూడా ప్లాంటు ప్రైవేటీకరణను వ్యతిరేకించాడు. కార్మిక సంఘాలు చేపట్టిన నిరసన శిబిరాలను సందర్శించి సంఘీభావం తెలిపారు శివాజీ. ఈ సందర్భంగా ఆయన మాట్లాడుతూ, బీజేపీ దుర్మార్గంగా స్టీల్ ప్లాంట్ ను ప్రైవేటీకరిస్తోందని శివాజీ విమర్శించారు. ప్రైవేటీకరణకు వ్యతిరేకంగా ప్రతి ఒక్కరూ ఎలుగెత్తాలని పిలుపునిచ్చారు. రాజకీయాలకు అతీతంగా ప్రతి ఒక్కరూ ముందుకొస్తే లక్ష్యాన్ని సాధించవచ్చని అభిప్రాయపడ్డారు. ఇక ఈ పోరాటంలో ఎవరినీ నమ్మవద్దని వైజాగ్ స్టీల్ ప్లాంట్ కార్మికులకు సూచించారు. సంస్థను కాపాడుకోవడం ఉద్యోగులుగా మీ బాధ్యత అని స్పష్టం చేశారు. మా ప్రాంతం కోసం మీరేం చేస్తున్నారంటూ నేతలను ఢిల్లీకి పరుగులు తీయించాలని అన్నారు.