Thursday, February 2, 2023

Legacy | నేతాజీ వారసత్వాన్ని కొల్లగొట్టాలనుకుంటున్న ఆర్​ఎస్​ఎస్​.. ఆయన​ భావజాలమే వేరన్న బోస్​ కుమార్తె అనితా

నేతాజీ ​ జయంతిని నిర్వహించి.. ఆయన వారసత్వాన్ని దోపిడీ చేయడానికి ఆర్​ఎస్​ఎస్​ యోచిస్తోందని సుభాష్​ బోస్​ కుమార్తె అనితా బోస్​ప్ఫాఫ్​ అన్నారు. జనవరి 23న నేతాజీ సుభాష్ చంద్రబోస్ జయంతిని నిర్వహించాలని ఆర్‌ఎస్‌ఎస్ యోచిస్తున్న నేపథ్యంలో ఈ కామెంట్స్​ చేశారు. ‘‘ఆర్‌ఎస్‌ఎస్ భావజాలం, జాతీయవాద నాయకుడు బోస్​ లౌకికవాదం.. సమగ్రత ఆలోచనలు వేర్వేరుగా ఉన్నాయని, బోస్​ భావజాలంతో అవి ఏకీభవించవు’’ అని ఆమె అన్నారు. సిద్ధాంతాల విషయానికొస్తే దేశంలోని ఇతర పార్టీల కంటే నేతాజీతో కాంగ్రెస్‌కు చాలా ఎక్కువ సారూప్యతలు ఉన్నాయని బోస్-ప్ఫాఫ్ చెప్పారు.

- Advertisement -
   

కాగా, నేతాజీ సుభాష్ చంద్రబోస్ జయంతిని పురస్కరించుకుని నగరంలోని షాహిద్ మినార్ మైదానంలో ఏర్పాటు చేసిన బహిరంగ కార్యక్రమంలో ఆర్‌ఎస్‌ఎస్ చీఫ్ మోహన్ భగవత్ ప్రసంగించనున్నారు. నేతాజీ బోధించినట్లు అన్ని మతాలను గౌరవించాలనే ఆలోచనను బీజేపీ, ఆర్‌ఎస్‌ఎస్ ప్రతిబింబించడం లేదని బోస్-ప్ఫాఫ్ అన్నారు,  ‘‘RSS, BJP తప్పనిసరిగా బోస్​ వైఖరిని ప్రతిబింబించవు… మీరు ఒక సాధారణ లేబుల్ పెట్టాలనుకుంటే, వారు రైటిస్టులు, నేతాజీ వామపక్షవాది” అని ఆమె జర్మనీ నుండి ఓ వార్తా సంస్థకు ఫోన్‌లో చెప్పారు.

“ఆర్‌ఎస్‌ఎస్ భావజాలం గురించి నేను విన్న దాని నుండి.. అది, నేతాజీ భావజాలం వేర్వేరు ధృవాలు అని నేను అంగీకరిస్తాను. నేతాజీ ఆశయాలను, ఆలోచనలను స్వీకరించాలని ఆర్‌ఎస్‌ఎస్ భావిస్తే అది కచ్చితంగా బాగుంటుంది. అనేక విభిన్న సమూహాలు నేతాజీ పుట్టినరోజును వివిధ మార్గాల్లో జరుపుకోవాలని కోరుకుంటాయి. వారిలో చాలా మంది తప్పనిసరిగా అతని ఆలోచనలతో ఏకీభవిస్తారు”అని బోస్-ప్ఫాఫ్ చెప్పారు.

నేతాజీ ఆర్‌ఎస్‌ఎస్‌ని విమర్శించేవారా? అని అడిగిన ప్రశ్నకు ఆమె “నేను మీకు ఇవ్వగల ఏ కోట్ (నేతాజీ) గురించి నాకు తెలియదు. అతను ఆర్‌ఎస్‌ఎస్ సభ్యులపై విమర్శనాత్మక ప్రకటనలు చేసి ఉండవచ్చు. RSS గురించి ఆయన (నేతాజీ) అభిప్రాయాలు ఏమిటో నాకు తెలుసు. ఆర్‌ఎస్‌ఎస్‌, నేతాజీ లౌకికవాద భావజాలం ఒకదానికొకటి పొంతన లేదు’’ అని ఆమె అన్నారు. స్వాతంత్య్రానంతరం నేతాజీ అదృశ్యం మిస్టరీని ఛేదించేంఉదకు కేంద్రం మూడు విచారణ కమిషన్లను ఏర్పాటు చేసింది.వాటిలో రెండు షా నవాజ్ కమిషన్, ఖోస్లా కమిషన్‌లను కాంగ్రెస్ ప్రభుత్వాలు ఏర్పాటు చేశాయి. తైవాన్‌లోని తైహోకు విమానాశ్రయం నుండి టేకాఫ్ అయిన వెంటనే బోస్ ఆగస్ట్ 18, 1945న విమాన ప్రమాదంలో మరణించినట్లు నిర్ధారించారు. బీజేపీ నేతృత్వంలోని ఎన్‌డీఏ ప్రభుత్వం ఏర్పాటు చేసిన ముఖర్జీ కమిషన్ మూడవది.

Advertisement

తాజా వార్తలు

Advertisement