మధ్యప్రదేశ్‌లోని బాలాఘాట్ జిల్లాలో జరిగిన ఎన్‌కౌంటర్‌లో రివార్డ్ పొందిన ఇద్దరు నక్సలైట్లను పోలీసులు హతమార్చారు. కేరఝరి అడవుల్లో సోమవారం అర్ధ‌రాత్రి కాల్పులు జరిగినట్లు పోలీసు అధికారి ఒకరు తెలిపారు. అనంతరం పోలీసులు ఆ ప్రాంతాన్ని శోధించి ఇద్దరు నక్సలైట్ల మృతదేహాలను స్వాధీనం చేసుకున్నట్లు అధికారి తెలిపారు. వారిని సజంతి అలియాస్ క్రాంతి, రఘు అలియాస్ షేర్ సింగ్‌గా గుర్తించారు. ఘటనా స్థలం నుంచి ఒక ఏకే 47 రైఫిల్, 12 బోర్ రైఫిల్, నిత్యావసర వస్తువులను స్వాధీనం చేసుకున్నట్లు తెలిపారు. క్రాంతి తలపై రూ.29 లక్షల రివార్డు ప్రకటించారు. మావోయిస్ట్ ల కార్య‌క‌లాపాల‌లో ముఖ్య పాత్ర పోషిస్తున్న ఆమె నక్సలైట్, భద్రతా దళాలపై అనేక దాడుల్లో పాల్గొంది.
మధ్యప్రదేశ్, ఛత్తీస్‌గఢ్‌లలో సజంతీని చాలా కాలంగా వెతుకుతున్నారు. రెండు రాష్ట్రాల్లోనూ ఆమెపై రివార్డు ప్రకటించారు. ఆయుధాలు ఉపయోగించడం నుంచి భద్రతా బలగాలను మెరుపుదాడి చేయడం వరకు సజంతి అన్నింటిలోనూ నిపుణురాలు. అత్యంత భయంకరమైన మహిళా నక్సలైట్ కమాండర్లలో ఆమె ఒకరు. ఆమెకు మధ్యప్రదేశ్, ఛత్తీస్‌గఢ్ అడవులపై పూర్తి అవగాహన ఉంది. దాడి చేసి ఎలా తప్పించుకోవాలో ఆమెకు తెలుసు. నక్సలైట్ల దాడులకు ప్రణాళికలు రూపొందించి అమలు చేయడంలో ఆమె చురుగ్గా పాల్గొంటున్నట్లు సమాచారం. సంజాతి అలియాస్ క్రాంతి హత్యను తమకు పెద్ద విజయంగా భద్రతా బలగాలు భావిస్తున్నాయి.