డైట్ వల్లే బరువుతగ్గా.. లిజెల్ డిసౌజా

స్లిమ్ గా మారిపోయారు ప్రముఖ కొరియోగ్రాఫర్ రెమో డిసౌజా భార్య లిజెల్ డిసౌజా. ఒకప్పుడు లిజెల్ 105 కిలోల బరువు ఉండేవారు. ఇప్పుడామె దానిని 65 కిలోలకు తగ్గించింది. ప్రస్తుతం లీజెల్ డిసౌజా ట్రాన్స్‌ఫర్మేషన్‌ ఫొటోలను చూసి అభిమానులు ఆశ్చర్యపోతున్నారు. అయితే ఇలా 40 కిలోల బరువు తగ్గడం అంత సులభం కాదంటూ లిజెల్ ఒక ఫొటోను పంచుకుంది. ఇందుకోసం తీవ్రంగా శ్రమించాల్సి వచ్చింది. అతిపెద్ద యుద్ధం మీతో పోరాడాలి . తద్వారా మీరు అసాధ్యమైన లక్ష్యాన్ని సాధించవచ్చు అని తనలా భారీకాయంతో ఉన్న వాళ్లలో స్ఫూర్తినింపే ప్రయత్నం చేసింది. కాగా లిజెల్ డిసౌజా ఇంటర్మిటెంట్‌ ఫాస్టింగ్‌ ద్వారా 15-20 కిలోల బరువు తగ్గించుకుంది. ఆ తర్వాత జిమ్‌లో వ్యాయామం, అలాగే వెయిట్ ట్రైనింగ్ చేయడం ద్వారా మరింత బరువును కరిగించుకుంది. లీజెల్ డిసౌజా డైట్‌పై ఎక్కువ దృష్టి పెట్టారు. ఆమె బయటి ఆహారాన్ని తినడం పూర్తిగా మానేసింది. ఇంట్లో వండిన ఆహారాన్ని మాత్రమే తినేది. అలాగే ఇంటర్మిటెంట్‌ ఫాస్టింగ్‌ను క్రమంగా 18-20 గంటలకు పెంచడం ద్వారా స్లిమ్‌గా మారిపోయారు.