నాటింగ్ హామ్ టెస్టులో టీమిండియా విజయానికి వరుణుడు అడ్డుపడ్డాడు. ఆటకు నేడు ఐదో రోజు కాగా, వర్షంతో ట్రెంట్ బ్రిడ్జ్ మైదానం చిత్తడిగా మారింది. దాంతో ఆట ఆలస్యంగా ప్రారంభం కానుంది. ఈ టెస్టులో ఇంగ్లండ్ జట్టు భారత్ కు 209 పరుగుల లక్ష్యం నిర్దేశించగా, నాలుగో రోజు ఆట చివరికి భారత్ 1 వికెట్ నష్టానికి 52 పరుగులు చేసింది. ఇంకా 157 పరుగులు చేస్తే విజయం టీమిండియానే వరిస్తుంది. అయితే, పిచ్ స్వింగ్ కు విశేషంగా సహకరిస్తున్న..దాంతో పాటు వర్షం కూడ పడటంతో ఆటకు చివరిరోజున భారత బ్యాట్స్ మెన్ కు సవాల్ తప్పదనిపిస్తోంది. ఈ టెస్టులో ఇంగ్లండ్ తొలి ఇన్నింగ్స్ లో 183 పరుగులు చేయగా, భారత్ 278 పరుగులు సాధించింది. ఇంగ్లండ్ రెండో ఇన్నింగ్స్ లో కెప్టెన్ రూట్ సెంచరీ సాయంతో 303 పరుగులు నమోదు చేసింది.
ఇది కూడా చదవండి: ఏపీలో జడ్జిల పై పోస్టులు పెట్టిన ఐదుగురు అరెస్ట్