ఢిల్లీ లోని అలీపూర్ ప్రాంతంలోని ఓ ఫ్యాక్టరీ లో ఈ ఉదయం భారీ ప్రమాదం సంభవించింది. వెంటనే సమాచారం అందుకున్న అగ్నిమాపక సిబ్బంది రంగంలోకి దిగారు. ఈ నేపథ్యంలో 34 అగ్నిమాపక వాహనాలు ఘటనా స్థలానికి చేరుకుని మంటలను అదుపు చేస్తున్నారు.
అయితే ఈ ప్రమాదం కారణంగా పెద్ద ఎత్తున మంటలు చెలరేగి భారీగా పొగ వ్యాపించింది. అయితే అగ్నిప్రమాదానికి గల కారణమేమిటో ఇంకా తెలియలేదు. దీంతోపాటు ఎంత ఆస్తి నష్టం జరిగింది, ఏదైనా ప్రాణనష్టం జరిగిందా అనే విషయాలు కూడా తెలియాల్సి ఉంది.