కోలీవుడ్ స్టార్ విజయ్ డైరెక్టర్ లొకేష్ కనగరాజ్ దర్శకత్వం మాస్ యాక్షన్ ఎంటర్టైనర్గా రూపొందుతున్న మూవీ లియో.. ఈ సినిమాలో విజయ్ సరసన త్రిష నటిస్తోంది. ఇక ఇటీవల విజయ్ బర్త్ డే సందర్భంగా విడుదలైన ఫస్ట్ లుక్ పోస్టర్, టీజర్ మూవీపై మరింత అంచనాలను పెంచేశాయి. అలాగే ఇటీవల విడుదలైన నా రెడీ సాంగ్ సైతం ఆకట్టుకుంటుంది. ప్రస్తుతం ఈ పాట యూట్యూబ్ ను షేక్ చేస్తుంది. అయితే ఇప్పుడిదే పాట విజయ్ దళపతిని చిక్కుల్లోకి నెట్టింది. కేవలం విజయ్ మాత్రమే కాదు ..మొత్తం చిత్రయూనిట్ పై కేసు నమోదు అయ్యింది. అందుకు కారణం అందులో విజయ్ సిగరెట్ తాగుతున్నట్లు కనిపించడమే.
ఈ పాటలో మత్తు పదార్థాల వాడకం, రౌడీయిజాన్ని ఎక్కువగా చూపించాంటూ చెన్నైకి చెందిన ఓ సామాజిక కార్యకర్త ఆర్టీఐ.సెల్వం కోర్టును ఆశ్రయించాడు. ఈ మేరకు దళపతితోపాటు.. చిత్రబృందంపై ఆన్ లైన్ లో ఫిర్యాదు చేశాడు. వీరిపై నార్కోటిక్ కంట్రోల్ యాక్ట్ కింద చర్యలు తీసుకోవాలని కోరాడు. దీంతో చిత్ర హీరోతో స‌హ యూనిట్ మొత్తంపై కేసు నమోదు చేయాల‌ని కోర్టు ఆదేశాలు జారీ చేసింది..