ఛత్తీస్‌గఢ్‌లోని బీజాపూర్ చుట్వాహిలో పోలీసు క్యాంప్‌పై మావోయిస్టులు దాడి చేశారు. పోలీసు క్యాంప్‌పై మావోయిస్టులు బాంబుల వర్షం కురిపించారు. తెలంగాణ, ఛత్తీస్గఢ్ లో జరిగిన ఎన్‌కౌంటర్లకు ప్రతీకారంగా అగ్ర నాయకులు ఈ దాడిలో పాల్గొన్నట్టుగా సమాచారం.
ఇది ఇలా ఉంటే… ఛత్తీస్గఢ్ రాష్ట్రంలో యుద్ధ వాతావరణం నెలకొంది. గత రెండు నెలలుగా మావోయిస్టులు, పోలీసుల మధ్య భీకర పోరు నడుస్తుంది. ఈ మధ్య జరిగిన పలు ఎన్‌కౌంటర్లలో సుమారు 43 మందికి పైగా మావోయిస్టులు మృతి చెందారు. ఎన్‌కౌంటర్లకు నిరసనగా మావోయిస్టులు నేడు ఐదు రాష్ట్రాల బంద్‌కు పిలుపునిచ్చారు. ఈ నేపథ్యంలో ఛత్తీస్ గఢ్ రాష్ట్రంలోని, బీజాపూర్ జిల్లా, చుట్యాహి పోలీస్ క్యాంపుపై సోమవారం బాంబుల వర్షం కురిపించారు. ప్ర‌స్తుతం ఇరు వ‌ర్గాల మధ్య అయిదు గంట‌లుగా బుల్లెట్ల వార్ న‌డుస్తున్న‌ది. దీనిపై మ‌రింత సమాచారం తెలియాల్సి ఉంది..