రాగం : సామ
ఎటువంటి మోహమో ఎట్టి తమకమొగాని
తటుకును దేహమంతయు మరచె చెలియ || ||ఎటువంటి మోహమో ||
పలుకు తేనెల కొసరి పసిడి కిన్నెర మీటి
పలుచనెలుగున నిన్ను పాడి పాడి
కలికి కన్నీరు బంగారు పయ్యెద నొలుక
తలయూచి తనలోనె తలవంచు చెలియ || ||ఎటువంటి మోహమో ||
పడతి నీవును తాను పవళించు పరుపుపై
పొడము పరితాపమున పొరలి పొరలి
జడిగొన్న జవ్వాది జారు చెమటల దోగి
ఉడుకు నూరుపుల నుసురుసురాయె చెలియ || ||ఎటువంటి మోహమో ||
తావిజల్లెడి మోముదమ్మి కడు వికసించె
లో వెలితి నువ్వులను లోగి లోగి
శ్రీవేంకటేశ ల క్ష్మీకాంత నినుగలసి
ఈ వైభవము లందె ఇదివో చెలియ || ||ఎటువంటి మోహమో ||