మెగాస్టార్ చిరంజీవి కొరటాల శివ దర్శకత్వంలో ఆచార్య సినిమా చేస్తున్న సంగతి తెలిసిందే. ఈ సినిమాలో మెగాస్టార్ చిరంజీవితో పాటు మెగా పవర్ స్టార్ రామ్ చరణ్ కూడా నటిస్తున్నారు. ఇక ఇటీవల చరణ్ పూజా హెగ్డే మధ్య సాంగ్ ను చిత్రీకరించిన యూనిట్… ఇప్పుడు ఒక ఫైట్ సీన్ ను చిత్రీకరిస్తున్నారు. వర్షంలో జరిగే ఈ ఫైట్ లో రామ్ చరణ్ తో బాలీవుడ్ స్టార్ సోనూసూద్ తలపడనున్నట్లు తెలుస్తోంది.
సినిమా మొత్తానికే ఫైట్ హైలెట్ గా నిలుస్తుందని సమాచారం. గతంలో మిర్చిలో యంగ్ రెబల్ స్టార్ ప్రభాస్ తో కొరటాల రెయిన్ ఫైట్ ను పెట్టించాడు. ఆ ఫైట్ సినిమాకే హైలెట్ గా నిలిచింది. ఇప్పుడు ఇది కూడా హైలెట్ అవుతుందని అంటున్నారు కొరటాల సన్నిహితులు. అంతేకాకుండా చిరంజీవి రెజీనా, చరణ్ పూజా మధ్య సాంగ్స్ అభిమానులలో మంచి జోష్ ని కూడా తీసుకొస్తాయని చెబుతున్నారు.