క్రాక్ సినిమాతో సూపర్ డూపర్ హిట్ ని అందుకున్నాడు మాస్ మహారాజా రవితేజ. ప్రస్తుతం అదే జోష్ తో వరుస సినిమాలను లైన్ లో పెడుతున్నాడు. అసలు విషయానికొస్తే రవితేజ ప్రస్తుతం రమేష్ వర్మ దర్శకత్వంలో ఖిలాడి సినిమా చేస్తున్నారు. అయితే ఈ సినిమాలో రవితేజ సరసన డింపుల్ హయాతి, మీనాక్షి చౌదరి హీరోయిన్స్ గా నటిస్తున్నారు.
అలాగే సీనియర్ నటుడు అర్జున్ నటి అనసూయ కీలక పాత్రలలో నటిస్తున్నారు. ఇప్పటికే ఈ సినిమా 90 శాతం షూటింగ్ పూర్తి చేసుకుంది. మిగతా 10 శాతం షూటింగ్ ను పూర్తి చేసే పనిలో ఉంది. అయితే మొదట ఓ చిన్న షెడ్యూల్ ను హైదరాబాద్ లో ప్లాన్ చేశారట. అది పూర్తయిన తర్వాత నెక్స్ట్ షెడ్యూల్ దుబాయ్ లో ప్లాన్ చేసినట్లు తెలుస్తోంది. దీనితో షూటింగ్ మొత్తం కూడా పూర్తిగా కంప్లీట్ అవుతుందట.