సోలమన్ దర్శకత్వంలో కింగ్ అక్కినేని నాగార్జున హీరోగా ప్రేక్షకుల ముందుకు వచ్చిన చిత్రం వైల్డ్ డాగ్. భారీ అంచనాల మధ్య ప్రేక్షకుల ముందుకు వచ్చిన ఈ చిత్రం అనుకున్న స్థాయిలో కలెక్షన్లను రాబట్టలేకపోయింది. ఇక కరోనా కారణంగా కూడా కలెక్షన్లు మరింత తగ్గిపోయాయి. ఇదిలా ఉండగా నాగార్జున ప్రవీణ్ సత్తారు దర్శకత్వంలో ఓ సినిమా చేయబోతున్న సంగతి తెలిసిందే. భారీ అంచనాల మధ్య తెరకెక్కబోతున్న ఈ సినిమాపై ప్రవీణ్ సత్తార్ ఎంతో నమ్మకంగా ఉన్నాడట.
తాజాగా ప్రవీణ్ సత్తార్ దర్శకత్వం వహించిన లెవెన్త్ అవర్ వెబ్ సిరీస్ ప్రమోషన్ సందర్భంగా నాగార్జునతో చేయబోతున్న సినిమా గురించి కొన్ని ఆసక్తికర విషయాలు తెలిపాడు. నాగార్జున ఈ సినిమాలో ఒక రా ఏజెంట్ గా కనిపించబోతున్నాడట. ఈ సినిమాలో పాత్ర కు నాగార్జున చాలా ఇంప్రెస్ అయ్యారని… పాత్ర తీరు చాలా బాగుందని అభినందించారని చెప్పుకొచ్చారు. అంతేకాకుండా ఈ సినిమాలో మార్షల్ ఆర్ట్స్ తో పాటు పలు రకాల యాక్షన్ సీన్స్ ని కూడా నాగార్జున చేయబోతున్నారట. అందుకోసం బ్యాంకాక్ నుండి ప్రత్యేకంగా ట్రైనింగ్ కోసం మాస్టర్ లను కూడా తీసుకు వచ్చినట్లు ప్రవీణ్ సత్తార్ చెప్పుకొచ్చారు.