మెగా పవర్‌స్టార్ రామ్ చరణ్ పుట్టినరోజు సందర్భంగా టాలీవుడ్ ఇండస్ట్రీ హిట్ మగధీర సినిమాను ఈ నెల (మార్చి) 27న రీ-రిలీజ్ చేయనున్నట్టు కొన్ని రోజుల క్రితం గీతా ఆర్ట్స్ ప్రకటించింది. ఈ వార్త అభిమానులను ఆశ్చర్యానికి గురి చేసింది. అయితే, ఇప్పుడు చరణ్ అభిమానులందరికీ మరో సర్ప్రైజ్ ఉంది.. మగధీర సినిమాతో పాటు కల్ట్ ఫాలోయింగ్ పోందిన ఆరెంజ్ మూవీని చరణ్ పుట్టినరోజు సందర్భంగా రీ-రిలీజ్ చేయనున్నారు. ఈ స్పెషల్ రీ-రిలీజ్ ల ద్వారా వచ్చిన మొత్తాన్ని జనసేన పార్టీ ఫండ్ డ్రైవ్‌కు విరాళంగా ఇవ్వనున్నారు.
గమనించదగ్గ విషయం ఏమిటంటే, ఆరెంజ్ మూవీ రిలీజ్ అయిన సమయంలో తెలుగు ఇండస్ట్రీలో అతిపెద్ద ఫ్లాప్‌లలో ఒకటి. కానీ రిలీజ్ అయిన తర్వాత రొమాంటిక్ డ్రామా కాన్సెప్ట్‌కు కల్ట్ ఫాలోయింగ్‌ను పొందింది. మరి ఇప్పుడు ఈ సినిమా రీ-రిలీజ్ ఎలా ఉంటుందో చూడాలి. జెనీలియా హీరోయిన్ గా నటించిన ఆరెంజ్ మూవీకి నాగబాబు నిర్మించారు.