తమిళ స్టార్ డైరెక్టర్ మణిరత్నం ప్రస్తుతం తన పూర్తి దృష్టిని నవరస వెబ్ సిరీస్ పై పెట్టిన సంగతి తెలిసిందే. మనిషిలోని తొమ్మిది భావోద్వేగాలను, తొమ్మిది భాగాలుగా మొత్తం తొమ్మిది మంది దర్శకులకు తెరకెక్కిస్తున్నారు మణిరత్నం. అయితే ఈ వెబ్ సిరీస్ ఆగస్టు 6 నుంచి ప్రముఖ ఓటీటీ సంస్థ నెట్ ఫ్లిక్స్ లో స్ట్రీమింగ్ కానుంది. అయితే ప్రమోషన్ లో భాగంగా మణిరత్నం మీడియా ముందుకు వస్తున్నారు. తాజాగా ఓ ఇంటర్వ్యూలో మాట్లాడుతూ… త్వరలోనే కచ్చితంగా తెలుగులో ఒక స్ట్రెయిట్ సినిమా చేస్తానని చెప్పుకొచ్చారు.
అయితే గతంలో మహేష్ బాబుకి స్క్రిప్ట్ వినిపించిన మాట నిజమేనని… కాని ఆ సమయంలో అది వర్కౌట్ కాలేదని తెలిపారు. ఇద్దరం కలిసి పని చేయాలంటే కథే నిర్ణయించాలని చెప్పుకొచ్చారు మణిరత్నం.