కన్నడ సినీ పరిశ్రమ నుంచి ఎటువంటి అంచనాలు లేకుండా ఆడియన్స్ ముందుకు వచ్చిన కాంతార… నేష‌న్‌వేడ్‌గా భాక్సాఫీస్ వద్ద సెన్షేషన్ క్రియేట్ చేసింది. రిషబ్ శెట్టి స్వీయ దర్శకత్వంలో కేవలం 25 కోట్లతో తెరకెక్కిన ఈ మూవీ… దాదాపు 400 కోట్లకు పైగా గ్రాస్ కలెక్షన్స్ ని వసూలు చేసి అందర్నీ ఆశ్చర్యపరిచింది. ఇక ఈ సినిమా ఇంతటి బ్లాక్ బస్టర్ అవ్వడంతో ఈ మూవీకి సెకండ్ పార్ట్‌గా ప్రీక్వెల్‌ని తీసుకురానున్నట్టు ప్రకటించాడు రిషబ్ శెట్టి.
కాగా, తాజాగా ఈ మూవీ ఫస్ట్ లుక్ గ్లింప్స్ గురించిన అప్డేట్ అందించారు మేకర్స్. ఈ నెల 27న మధ్యాహ్నం గం.12:25 నిమిషాలకు ఈ మూవీ ఫస్ట్ లుక్ ని రిలీజ్ చేయనున్నట్లు ప్రకటించారు. ఇక, హోంబేలె ఫిలిమ్స్ గ్రాండ్ గా నిర్మిస్తున్న ఈ మూవీకి అజనీష్ లోకనాథ్ సంగీతం అందిస్తున్నారు.