మణిరత్నం తెరకెక్కిస్తున్న నవరస వెబ్ సిరీస్ కోసం సినీ అభిమానులు ఎంతగానో ఎదురుచూస్తున్నారు. ఇప్పటికే ఈ వెబ్ సిరీస్ కు సంబంధించి విడుదలైన థీమ్ సాంగ్, లుక్స్ ప్రేక్షకులను విశేషంగా ఆకట్టుకున్నాయి. అయితే తొమ్మిది రసాలను పూర్తిస్థాయిలో ఈ సినిమా ద్వారా చూపించేందుకు దర్శకనిర్మాతలు ప్లాన్ చేసుకున్నారు. దీని వెనుక ఎంతో మంది ప్రముఖులు కృషి కూడా ఉంది.
ఇక ఈ వెబ్ సిరీస్ డ్యూరేషన్ పై సోషల్ మీడియాలో రకరకాల వార్తలు వస్తున్నాయి. అయితే తాజా సమాచారం ప్రకారం ఈ సీజన్ నిడివి మొత్తం నాలుగు గంటల ముప్పై నిమిషాలకు పైనే ఉన్నట్లు తెలుస్తోంది. అంటే ఒక్కో ఎపిసోడ్ కి 30 నిమిషాల పాటు ఉండే అవకాశం ఉందట. మరి దీనిపై క్లారిటీ రావాలంటే రిలీజ్ వరకు ఆగాల్సిందే.