కీర్తి సురేష్, నాని కాంబోలో యువ దర్శకుడు శ్రీకాంత్ ఓదెల దర్శకత్వంలో తెరకెక్కిన లేటెస్ట్ మాస్ యాక్షన్ మూవీ ‘దసరా’. మొదటి నుండి అందరిలో భారీ అంచనాలు ఏర్పరిచిన ఈ పాన్ ఇండియన్ మూవీ.. బ్లాక్ బస్టర్ సక్సెస్ టాక్ తో బాక్సాఫీస్ దగ్గర దిగ్విజయంగా దూసుకెళుతోంది. సంతోష్ నారాయణన్ సంగీతం అందించిన ఈ మూవీని సుధాకర్ చెరుకూరి భారీ స్థాయిలో నిర్మించారు.
కాగా, ఈ మూవీలో పెళ్లి సందర్భంగా కీర్తి సురేష్ చేసే మాస్ డ్యాన్సింగ్ వీడియోని కొద్దిసేపటి క్రితం మేకర్స్ రిలీజ్ చేశారు. సినిమాలో ఈ మోస్ట్ లవింగ్ డ్యాన్స్ వీడియోకి కీర్తి సురేష్ ఫ్యాన్స్ తో పాటు ఆడియన్స్ నుండి మంచి రెస్పాన్స్ లభిస్తోంది. ఇక ఇటు యూట్యూబ్ లో సైతం ఈ డ్యాన్సింగ్ వీడియో అందరినీ అలరిస్తూ పెద్ద ఎత్తున వ్యూస్ తో కొనసాగుతోంది.
