ఇటీవలే పఠాన్ సినిమాతో బ్లాక్ బస్టర్ హిట్ అందుకున్న బాలీవుడ్ బాద్ షా షారుఖ్ ఖాన్ ప్రస్తుతం తమిళ దర్శకుడు అట్లీ దర్శకత్వంలో జవాన్ సినిమా షూటింగ్ లో బిజీగా ఉన్నాడు. ఈ పాన్-ఇండియన్ యాక్షన్ డ్రామాలో నయనతార కథానాయికగా నటిస్తోంది.
ఇక, సోనీ పిక్చర్స్ ఇండియా యానిమేషన్ సూపర్ హీరో మూవీ థియేట్రికల్ ట్రైలర్‌ రీసెంట్ గా రిలీజ్ అయింది. స్పైడర్ మ్యాన్: ఎక్రాస్ ది స్పైడర్-వెర్స్, ఈ యానిమేటెడ్ మూవీ 2018 లో వచ్చిన బ్లాక్‌బస్టర్ స్పైడర్ మ్యాన్: ఇంటు ది స్పైడర్-వెర్స్‌కి సీక్వెల్. జోక్విమ్ డాస్ శాంటోస్, కెంప్ పవర్స్, జస్టిన్ కె. థాంప్సన్ దర్శకత్వం వహించిన ఈ సినిమా భారతదేశంలో తెలుగు, తమిళం, హిందీ, కన్నడ, మలయాళం, పంజాబీ, గుజరాతీ, మరాఠీ, బెంగాలీ, ఆంగ్ల భాషలలో 10 భాషలలో రిలీజ్ కానుంది.
ప్రమోషనల్ మెటీరియల్, ప్రీక్వెల్ బ్లాక్ బస్టర్ విజయం కారణంగా ఈ చిత్రంపై కూడా అంచనాలు ఆకాశాన్ని తాకుతున్నాయి. కాగా, ఈ మూవీ ఇండియాలో జూన్ 2న రిలీజ్ కానుంది. షారుఖ్ ఖాన్ జవాన్ కూడా 5 భాషల్లో అదే రోజున రిలీజ్ కానుంది. కాగా, ఈ ఏడాది ఎపిక్ బాక్సాఫీస్ క్లాష్ లలో ఈ రెండు సినిమాలు పోటీ పడనున్నాయి.