దేశీయంగా పాసింజర్‌ వాహనాల (పీవీ) విక్రయాలు పుంజుకుంటున్నాయని భారత వాహన తయారీ దారుల సంఘం (ఎస్‌ఐఎఎం) వెల్లడించింది. కంపెనీ నుంచి డీలర్లకు సరఫరా అయిన వాహనాల్లో 92శాతం వృద్ధి నమోదైనట్లు తెలిపింది. 2021 సెప్టెంబర్‌లో 1,60,212 పీవీలు డీలర్లకు చేరగా, ఈ ఏడాది గతనెలలో ఈ సంఖ్య 3,07,389కి చేరింది. పండుగల సీజన్‌ దృష్ట్యా డీలర్ల నుంచి భారీగా ఆర్డర్లు వచ్చినట్లు తెలుస్తోంది. సియామ్‌ గణాంకాల ప్రకారం, జులై-సెప్టెంబర్‌ త్రైమాసికంలో ప్రయాణికుల వాహన విక్రయాలు 38శాతం పెరిగాయి.
గతేడాది ఇదేసమయంnలో 7,41,442 యూనిట్లు అమ్ముడవగా, ఈసారి 10,26,3.9కి చేరాయి. సెప్టెంబర్‌లో ద్విచక్ర వాహనాల సరఫరా 13శాతం పెరిగింది. మొత్తంగా 17,35,499 యూనిట్లు వివిద కంపెనీల నుంచి సరఫరా అయ్యాయి. గతేడాది ఈ సంఖ్య 15,37,604గా ఉంది. మోటార్‌ సైకిళ్లవిభాగంలో 18శాతం పెరుగుదల నమోదైంది. ఈ ఏడాది 11,14,667 యూనిట్లకు పెరిగాయి. స్కూటర్ల విక్రయాలు 9శాతం పెరిగి 5,72,667 యూనిట్లకు చేరుకున్నాయి.