శ్రీకాకుళం జిల్లా పలాస మండలం కోసంగిపురం జంక్షన్ సమీపంలో జాతీయ రహదారిపై ఘోర రోడ్డు ప్రమాదం చోటుచేసుకుంది. మందస మండలం దేవుపురం గ్రామానికి చెందిన ఎన్ రమేష్ ద్విచక్ర వాహనంపై వెళ్తుండగా వెనుక నుంచి గుర్తుతెలియని వాహనం ఢీకొంది.
ఈ ప్రమాదంలో తీవ్ర గాయాల పాలైన రమేష్(రాజు) అక్కడికక్కడే మృతి చెందాడు. విషయం తెలుసుకున్న పోలీసులు,సంఘటన స్థలానికి చేరుకొని కేసు నమోదు చేసి దర్యాప్తు చేస్తున్నారు. మృతుడు కాశీబుగ్గ పట్టణంలోని ప్రైవేట్ ఆసుపత్రిలో విధులు నిర్వహిస్తున్నాడు.