జగన్, చంద్రబాబుల‌ను ఎపి ప్ర‌జ‌లు పాతాళానికి తొక్కేస్తారు – సునీల్ దేవ‌ద‌ర్….

అమ‌రావ‌తి – ముఖ్య‌మంత్రి జగన్, మాజీ ముఖ్య‌మంత్రి చంద్రబాబులను ప్రజలు పాతాళానికి తొక్కివేసే రోజూ త్వ‌ర‌లోనే రానుంద‌ని, ,ప్రజాసేవే లక్ష్యంగా పనిచేస్తున్న ఏపీ బీజేపీ-జనసేన కూటమిని అందలం ఎక్కించే రోజు వ‌చ్చేస్తున్న‌ద‌ని రాష్ట్ర బీజేపీ వ్యవహారాల సహ ఇన్చార్జి సునీల్ దేవధర్ వ్యాఖ్యానించారు. ఈ మేర‌కుర ఆయ‌న ట్విట్ట‌ర్ లో ట్విట్ చేశారు. ఇద్దరూ ఇద్దరేనని, ముఖ్యమంత్రి హోదాలో అధికార బలాన్ని, ప్రజల సొమ్మును స్వలాభం కోసం ఉపయోగించుకున్నారని ఆరోపించారు. అధికార దుర్వినియోగానికి ఏ విధంగా పాల్పడ్డారో రాష్ట్ర ప్రజలంతా అర్థం చేసుకున్నారని పేర్కొన్నారు. అంతేకాదు, చంద్రబాబు సీఎంగా ఉన్న సమయంలో నంద్యాల ఉప ఎన్నిక జరగ్గా, అందులో టీడీపీ నెగ్గినప్పుడు విపక్షనేత హోదాలో జగన్ చేసిన వ్యాఖ్యల వీడియోను కూడా సునీల్ దేవధర్ పంచుకున్నారు. ఆ వీడియోలో జగన్ నాటి సీఎం చంద్రబాబు అధికారాన్ని అడ్డుపెట్టుకుని గెలిచార‌ని, ఇలా గెలిచినదాన్ని గెలుపు అనుకుంటే అది చంద్రబాబు భ్రమ అని వ్యాఖ్యానించారు. నాటి వ్యాఖ్యలను ఓసారి గుర్తు చేసుకోవాలని సునీల్ దేవధర్ జ‌గ‌న్ కు చుర‌క‌లంటించారు.