జనసేనతో బీజేపీ పొత్తు పెట్టుకుందని, ఇతర పార్టీలతో కలిసి వెళ్లేందుకు పార్టీ అధినేత నిర్ణయం తీసుకుంటారని ఏపీ అధ్యక్షురాలు పురంధేశ్వరి అన్నారు. పరిస్థితిని బట్టి పార్టీ హైకమాండ్ నిర్ణయం తీసుకుని ముందుకు సాగుతున్నట్లు చెప్పారు. నేడు, బిజెపి ఆంధ్ర ప్రదేశ్ రాష్ట్ర కార్యాలయంలో జరిగిన రాష్ట్ర స్థాయి లీగల్ సెల్ సమావేశంలో ఆమె మాట్లాడుతూ, తమ పార్టీ పొత్తు కొనసాగుతుందని పురంధేశ్వరి తెలిపారు. పార్టీ బలోపేతంపై దృష్టి సారిస్తున్నారు. కార్యకర్తలు కూడా ఉత్సాహంగా పనిచేస్తున్నారని చెప్పారు. ఇటీవల 25 పార్లమెంట్ నియోజకవర్గాల్లో కార్యాలయాలు ప్రారంభమయ్యాయి.
బీజేపీకి 360 స్థానాలు వస్తాయని నమ్ముతున్నామని పురంధేశ్వరి వెల్లడించారు. విజయవాడలో జరిగిన లీగల్ సెల్ ఆవిర్భావ సభలో ఆమె పాల్గొని మాట్లాడుతూ.. రెండు నెలల్లో ఎన్నికలను ఎదుర్కోబోతున్నామని, ఇందుకు అన్ని స్థాయిల క్యాడర్ సిద్ధం కావాలని పిలుపునిచ్చారు. ప్రతి పార్లమెంట్ నియోజకవర్గంలో కార్యాలయాలు ఏర్పాటు చేశామని, ఈ ఎన్నికల్లో బీజేపీకి మంచి ఫలితాలు వస్తాయని ఆమె అన్నారు.
పొత్తుపై కేంద్రంలోని పార్టీ నేతలే నిర్ణయం తీసుకుంటారని పురంధేశ్వరి చెప్పారు. ఏపీలో బీజేపీకి ఆదరణ పెరిగిందని, కార్యకర్తలకు ఆత్మస్థైర్యాన్ని నింపే విధంగా పార్టీ అండగా ఉంటుందని తెలిపారు