Friday, July 12, 2024

అన్నమయ్య కీర్తనలు : అవుడేమనె నేమను

రాగం : అభోగి

అవుడేమనె నేమను మనెను
తపమే విరహపు తాపమనె|| ||అవుడేమనె నేమను||

పవనజ యేమనె పడతిమరేమనె
అవనిజ నిను నేమను మనెను
రవికులేంద్ర భారము ప్రాణంబనె
ఇవల నెల్ల ధరియించే ననె|| ||అవుడేమనె నేమను||

యింకా నేమనె యింతి మరేమనె
కొంకక యేమని కొసరుమనె
బొకుల దేహము పోదిది వేగనె
చింకవేట యిటు చేసెననె|| ||అవుడేమనె నేమను||

నను నేమనె ప్రాణము మన కొకటనె
తనకు నీ వలెనె తాపమనె
మనకులేశ ప్రేమపు మనకూటమి
ఘనవేంకటగిరిగంటిననె|| ||అవుడేమనె నేమను||

Advertisement

తాజా వార్తలు

Advertisement