జాతీయ ర‌హ‌దారిపై ఆర్టీసీ బస్సు అదుపు త‌ప్పి బొల్తా కొట్టింది. డివైడర్ ఢీ కొట్టి రోడ్డుకు అవతలివైపుకు దూసుకెళ్లింది. దీంతో బస్సులోని డ్రైవర్, కండక్టర్లతో పాటు మొత్తం 20 మంది గాయపడ్డారు. హైదరాబాద్ శివారులోని షాద్ నగర్ సమీపంలో ఈ ప్రమాదం చోటుచేసుకుంది.
షాద్ నగర్ మీదుగా హైదరాబాద్ వస్తున్న ఆర్టీసీ బస్సు యాక్సిడెంట్ కు గురైంది. ఆ సమయంలో ట్రాఫిక్ తక్కువగా ఉండడంతో పెద్ద ప్రమాదం తప్పిందని అధికారులు చెప్పారు. రోడ్డుపై బస్సు బోల్తా పడడంతో వాహనాల రాకపోకలకు అంతరాయం ఏర్పడింది. 10 కిలోమీటర్ల మేర వాహనాలు నిలిచిపోగా.. పోలీసులు అక్కడికి చేరుకుని ట్రాఫిక్ ను క్లియర్ చేసేందుకు ప్రయత్నిస్తున్నారు.